Einfluss
von Gerdam 17. Januar 2025
Podcast: Play in new window | Download (Duration: 7:22 — 8.2MB)
Vom Låden und vom Leben Nummer 32 – Einfluss
(…wie immer zum hören und mitlesen oder lesen und mithören, ganz wie ihr wollt)
Vom Låden und vom Leben
(audiofile #32: Einfluss)
Servus ihr Liem dord draußen, heud hab ich amål widder a echde Glosse. Enne zum Nachdengg und a dünnes Eis. Sozumsåch a Deema, wo ich mir nei die Nesseln sedz könnd. Ich du das awer goar ned so mein. Ich möcherd blos, dassder amål drüwer nachdengg dud.
In mein Beidråch vom End vom ledzdn Jåhr hab ich mich üwer a boar Blüdn aufgeregd, wo des Inderned so dreim dud. A in Bunggdo Verhaldn, Moral und unnern ureichndsdn Denggmusdern. Enne Sach hab ich awer noch rausgelassen. Weil ich eh scho heffdich wår und weil ich mich nedd a noch in die Nesseln sezz wolld.
Mir grieng immer widder vo allermöchlichn Leud gsåchd, was richdich und was falsch is, im Inderned. Und des hadd nacherd a öfders amål Konsegwenzn. Manches Mål in die enne und a annersch Mål in die annere Richdung.
Die zwä Låcher, wo sozumsåch Meinung mach du, sind zum ennen die selbsdernanndn Morålbolizisdn. Da wird zum Beischbiel rechd deudlich Werd auf korreggde Frauenbilder geleechd. Wennsde nei a Feddnäpfle neidreed dusd, reechd sich irchndwer drüwer auf. Wenn der des guud machd, also in sein Sinn, erreechd er endschbrechnd viel Aufmerggsamkeid und es gibbd ennen so genannden Schiddsdorm. Dess kann dann zum Beischbiel dazu führ, dass a comicbüchle zurückgezong werrn muss.
Ledzdes Jåhr erschd bassierd. Mid enn Schbezialband vonnener seid Jåhrzehndn eddablierdn Serie. Spiru und Fandasio Sonderband Nummer Zwäevirrzich, von Danni und Jann. Da gehds um Umweldschudz, um Durrbokabbidalismus und es wird sogår der Donald Drumbb karrikierd, wenn a nur zum neiinderbreddier. Im Büchle hässder nämmlich Simon Sandis. Wie auch immer. Der Danni is ja immer a weng friwol mid seine Subberschneggli, und so sin die Mädels a eher legger für leud mid Übsilongromosömli gemåld. Ich fand den Band eichndlich echd nedd, wenn a a weng üwerfrachded mid Inhald. War scho rechd viel aggduelle Demaddig drin. Awer insgsammd auf jedn Fall gud mid den Deema umganggn. Awer ich bin ja a a alder Sagg mid denne obn erwähndn Übsilongromosömli. Den Band duds edz auf jedn Fall nimmer gebb. Hadder Verlach zurügggezochn. Weils hald ennen Schiddstorm geechn die Bildli vom Danni geem hadd. Rassisdisch und sexisdisch. Für mich eefach a gude Gschichd midd neddn Bildli. Un weder Rassismus noch Sexismus wär mir irchndwie nein Sinn kommen. Grad weil die Deemen eem um aggduelle Broblemmaddign gehn.
Mir lassn uns hald vo denne Morålbollizisdn gern amål verglär, wiemer so a Sach zum sehn hamm. Hädd ich goar ned gmerggd. Dangge, dassder mich drauf aufmerggsam gmachdd habbd. Nadürlich is des Schmutz. Vergeebds mer. Wie konnd ich bloss. Wardscheins muss der Danni edz a noch irchndwo zu Greuze griech. Oder had sein seid üwer fuffzich Jåhrn edablierdn Ruf als Comiczeichner verschbield.
Also ruinierder Ruf fürn Verlåch, fürn Zeichner und a finanzielles Debågl. Des Bendl schlächd ganz schö weid in Richdung Negaddiefbillanz.
Na ja. So is des mid derre ennen seid.
Die annere Seid is BuggDogg. Ja, genau des mid denne Sensazionen. Wo sich nacherd milionen Büchli verkäff dun. Und wo die Mädli åschdee dun für a Audogrämmle. Dess is a so a exdreeme Machd vo dem Indernedd. Des sin awer kenne Morålbollizisdn. Könndsder mir glebb. Weil des Fraunbild, wo in denne Büchli beschriem wird, hadd mid Moral, also aggdueller, zeidgeisdlicher Moral nix zum duun. Wardscheins nedd immer, awer innem größeren Massschdab. Dieses dumme, naive, gesdriche und exdreem beinliche Fraunbild, was in denne Büchlie immer widder geschilderd wird, is mir zudiefsd zu wider. Also mir, mid meine Übsilongromosömli.
Awer genau dess is middlerweile a Milionengeschäffd. Besdsellerlisdn nauf und nunner. Immer schön mid bundn Musdern am Schnidd. Hädd mer früher in Romanhefdli gedruggd. In dem Fall gehd des Bendl also in die annere Seide. Zugewinn am Marggd für sgrubbellose Konzerne, wo den Missd schamlos ausnudz du. Für a durchaus bossidiefe Billanz.
Beides echd a hefdiche Machd… Wo a boar Leud, wo von kennem an Aufdrach grichdd hamm, da ausühm dun. Is dess okei? Sin mir nedd dodål behämmerd? Wie kann dess denn sein, dass des beides bassier dud? Gleichzeidich? Dass was echd frauenverachdendes und sexisdisches brudål buumd und was eichndlich Guudes und zumindesd ziemlich harmloses nacherd derård diffamierd wird, dassder Varlach sich beuch muss, um grösseren Schadn zum verhindern?
Also ich find beides blöd. Awer bersönlich sin mir die BuggDogg Sensäischens noch liewer. Die dun hald nur ennen gscheidn Missd brobagier, wo ich ned lees möchd. Awer ich du immer såch, jeder vo uns hadd a ganz briwades Fäibl für Dräsch. Nur hald bei jedn a weng annersch. Insofern gönn ich dess denne. Is hald blöd, dass des im Momend im Buchhandl ganz schö die normåle Schangsenverdeilung kabudd mach dud.
Für die annere Seid du ich mir echd schwerer, Verschdändnis aufzumbring.
Am End gehds beidesmal um des gleiche. Blos kombledd kondrär. Und beides mal lassn mir uns verzähl, was richdich und was falsch is.
Also nedd gleich meggern, weil ich irchendwie vielleichd irchndwas verdeidig du, was bös is, oder was innen Dregg zieh, was subber is.
Ich find bloß, dassder da amål drüwer nachdengg könnd.
Desweechn du ich euch edz a allends grüwln lass und verabschied mich wie immer. Dschau, arrifidertschi, euer Gerd
- Kategorie: Gerd solo , Mini Podcast , Sprecher Gerd , Vom Låden und vom Leben
- Keine Kommentare
von Gerdam 17. Januar 2025
Podcast: Play in new window | Download (Duration: 7:22 — 8.2MB)
Vom Låden und vom Leben Nummer 32 – Einfluss
(…wie immer zum hören und mitlesen oder lesen und mithören, ganz wie ihr wollt)
Vom Låden und vom Leben
(audiofile #32: Einfluss)
Servus ihr Liem dord draußen, heud hab ich amål widder a echde Glosse. Enne zum Nachdengg und a dünnes Eis. Sozumsåch a Deema, wo ich mir nei die Nesseln sedz könnd. Ich du das awer goar ned so mein. Ich möcherd blos, dassder amål drüwer nachdengg dud.
In mein Beidråch vom End vom ledzdn Jåhr hab ich mich üwer a boar Blüdn aufgeregd, wo des Inderned so dreim dud. A in Bunggdo Verhaldn, Moral und unnern ureichndsdn Denggmusdern. Enne Sach hab ich awer noch rausgelassen. Weil ich eh scho heffdich wår und weil ich mich nedd a noch in die Nesseln sezz wolld.
Mir grieng immer widder vo allermöchlichn Leud gsåchd, was richdich und was falsch is, im Inderned. Und des hadd nacherd a öfders amål Konsegwenzn. Manches Mål in die enne und a annersch Mål in die annere Richdung.
Die zwä Låcher, wo sozumsåch Meinung mach du, sind zum ennen die selbsdernanndn Morålbolizisdn. Da wird zum Beischbiel rechd deudlich Werd auf korreggde Frauenbilder geleechd. Wennsde nei a Feddnäpfle neidreed dusd, reechd sich irchndwer drüwer auf. Wenn der des guud machd, also in sein Sinn, erreechd er endschbrechnd viel Aufmerggsamkeid und es gibbd ennen so genannden Schiddsdorm. Dess kann dann zum Beischbiel dazu führ, dass a comicbüchle zurückgezong werrn muss.
Ledzdes Jåhr erschd bassierd. Mid enn Schbezialband vonnener seid Jåhrzehndn eddablierdn Serie. Spiru und Fandasio Sonderband Nummer Zwäevirrzich, von Danni und Jann. Da gehds um Umweldschudz, um Durrbokabbidalismus und es wird sogår der Donald Drumbb karrikierd, wenn a nur zum neiinderbreddier. Im Büchle hässder nämmlich Simon Sandis. Wie auch immer. Der Danni is ja immer a weng friwol mid seine Subberschneggli, und so sin die Mädels a eher legger für leud mid Übsilongromosömli gemåld. Ich fand den Band eichndlich echd nedd, wenn a a weng üwerfrachded mid Inhald. War scho rechd viel aggduelle Demaddig drin. Awer insgsammd auf jedn Fall gud mid den Deema umganggn. Awer ich bin ja a a alder Sagg mid denne obn erwähndn Übsilongromosömli. Den Band duds edz auf jedn Fall nimmer gebb. Hadder Verlach zurügggezochn. Weils hald ennen Schiddstorm geechn die Bildli vom Danni geem hadd. Rassisdisch und sexisdisch. Für mich eefach a gude Gschichd midd neddn Bildli. Un weder Rassismus noch Sexismus wär mir irchndwie nein Sinn kommen. Grad weil die Deemen eem um aggduelle Broblemmaddign gehn.
Mir lassn uns hald vo denne Morålbollizisdn gern amål verglär, wiemer so a Sach zum sehn hamm. Hädd ich goar ned gmerggd. Dangge, dassder mich drauf aufmerggsam gmachdd habbd. Nadürlich is des Schmutz. Vergeebds mer. Wie konnd ich bloss. Wardscheins muss der Danni edz a noch irchndwo zu Greuze griech. Oder had sein seid üwer fuffzich Jåhrn edablierdn Ruf als Comiczeichner verschbield.
Also ruinierder Ruf fürn Verlåch, fürn Zeichner und a finanzielles Debågl. Des Bendl schlächd ganz schö weid in Richdung Negaddiefbillanz.
Na ja. So is des mid derre ennen seid.
Die annere Seid is BuggDogg. Ja, genau des mid denne Sensazionen. Wo sich nacherd milionen Büchli verkäff dun. Und wo die Mädli åschdee dun für a Audogrämmle. Dess is a so a exdreeme Machd vo dem Indernedd. Des sin awer kenne Morålbollizisdn. Könndsder mir glebb. Weil des Fraunbild, wo in denne Büchli beschriem wird, hadd mid Moral, also aggdueller, zeidgeisdlicher Moral nix zum duun. Wardscheins nedd immer, awer innem größeren Massschdab. Dieses dumme, naive, gesdriche und exdreem beinliche Fraunbild, was in denne Büchlie immer widder geschilderd wird, is mir zudiefsd zu wider. Also mir, mid meine Übsilongromosömli.
Awer genau dess is middlerweile a Milionengeschäffd. Besdsellerlisdn nauf und nunner. Immer schön mid bundn Musdern am Schnidd. Hädd mer früher in Romanhefdli gedruggd. In dem Fall gehd des Bendl also in die annere Seide. Zugewinn am Marggd für sgrubbellose Konzerne, wo den Missd schamlos ausnudz du. Für a durchaus bossidiefe Billanz.
Beides echd a hefdiche Machd… Wo a boar Leud, wo von kennem an Aufdrach grichdd hamm, da ausühm dun. Is dess okei? Sin mir nedd dodål behämmerd? Wie kann dess denn sein, dass des beides bassier dud? Gleichzeidich? Dass was echd frauenverachdendes und sexisdisches brudål buumd und was eichndlich Guudes und zumindesd ziemlich harmloses nacherd derård diffamierd wird, dassder Varlach sich beuch muss, um grösseren Schadn zum verhindern?
Also ich find beides blöd. Awer bersönlich sin mir die BuggDogg Sensäischens noch liewer. Die dun hald nur ennen gscheidn Missd brobagier, wo ich ned lees möchd. Awer ich du immer såch, jeder vo uns hadd a ganz briwades Fäibl für Dräsch. Nur hald bei jedn a weng annersch. Insofern gönn ich dess denne. Is hald blöd, dass des im Momend im Buchhandl ganz schö die normåle Schangsenverdeilung kabudd mach dud.
Für die annere Seid du ich mir echd schwerer, Verschdändnis aufzumbring.
Am End gehds beidesmal um des gleiche. Blos kombledd kondrär. Und beides mal lassn mir uns verzähl, was richdich und was falsch is.
Also nedd gleich meggern, weil ich irchendwie vielleichd irchndwas verdeidig du, was bös is, oder was innen Dregg zieh, was subber is.
Ich find bloß, dassder da amål drüwer nachdengg könnd.
Desweechn du ich euch edz a allends grüwln lass und verabschied mich wie immer. Dschau, arrifidertschi, euer Gerd
- Kategorie: Gerd solo , Mini Podcast , Sprecher Gerd , Vom Låden und vom Leben
- Keine Kommentare
Gerd zu Podwichtel Nummer 2 MonostichonMonster: “Glaub mir, ich (wir) hatten jede Menge Spaß damit. Und einen Wettbewerb fände ich echt witzig. Schön, wenn es gefällt:)” Jan. 7, 14:18
Einen Kommentar schreiben